Аб кампаніі

Рэспубліканскае ўнітарнае прадпрыемства электрасувязі «Белтэлекам» - вядучая тэлекамунікацыйная кампанія з шматгадовай гісторыяй, персанал якой забяспечвае і развівае важныя для дзяржавы, грамадства, прыватных і карпаратыўных кліентаў тэхналогіі сувязі. У сваёй дзейнасці прадпрыемства робіць стаўку на актыўную палітыку пашырэння і паляпшэння паслуг электрасувязі. Кампанія дынамічна развіваецца і займае лідзіруючую пазіцыю на тэлекамунікацыйным рынку Рэспублікі Беларусь, з'яўляючыся найбуйнейшым аператарам электрасувязі на тэрыторыі нашай краіны.

«Белтэлекам» быў створаны 3 ліпеня 1995 года як Рэспубліканскае дзяржаўнае аб'яднанне. 1 жніўня 2004 года кампанія прайшла пераўтварэнне ў Рэспубліканскае ўнітарнае прадпрыемства электрасувязі. Абласныя ўнітарныя прадпрыемствы электрасувязі, а таксама УП «Мінская гарадская тэлефонная сетка», УП «Міжгародняя сувязь», УП «Мінская тэлефонна-тэлеграфная станцыя» былі рэарганізаваны ў філіялы РУП «Белтэлекам» шляхам далучэння.

Сёння кампанія «Белтэлекам» уключае ў сябе 9 філіялаў і 3 вытворчасці ў складзе галаўнога структурнага падраздзялення прадпрыемства.

Філіялы «Белтэлекам»

• Брэсцкі філіял
• Віцебскі філіял
• Гомельскі філіял
• Гродзенскі філіял
• Магілёўскі філіял
• Мінскі філіял
• філіял «Мінская гарадская тэлефонная сетка»
• філіял «Радыё, тэлебачанне і сувязь»
• філіял «Падсобная сельская гаспадарка»

Міжнародны цэнтр камутацыі

Вытворчасці ў складзе галаўнога структурнага падраздзялення:

• Інфармацыйна-разліковы цэнтр
• Вытворчасць Мінская тэлефонна-тэлеграфная станцыя

Місія кампаніі «Белтэлекам» - аб'ядноўваць людзей, даючы свабоду зносін і атрымання інфармацыі.

Брэнд-партфель кампаніі складаецца з брэнда «Белтэлекам», якім прадстаўлена галасавая сувязь, перадача даных, хостынг і шэраг іншых паслуг, а таксама брэндаў byfly (высакахуткасны доступ у Інтэрнэт), ZALA (інтэрактыўнае, эфірнае і Інтэрнэт-тэлебачанне), ЯСНА (пакеты паслуг), «ЯСНАе TV».

byfly

byfly - гэта моцны і самастойны брэнд, у гандлёвым партфелі якога сабраны аптымальныя прапановы па доступе ў Інтэрнэт для карпаратыўнага і хатняга карыстання. Сёння byfly - гэта правадны і бесправадны доступ у сетку Інтэрнэт, які забяспечвае высокую хуткасць перадачы даных, камфортнае карыстанне паслугай дома і на працы.

У залежнасці ад тэхналогіі падключэння абанентам гандлёвай маркі byfly даступныя хуткасці ад 3 да 500 Мбіт / с і вышэй.

ZALA

ZALA - гэта брэнд, які аб'ядноўвае інтэрактыўнае, эфірнае і інтэрнэт-тэлебачанне ад РУП «Белтэлекам». Інтэрактыўнае ТБ дазваляе кіраваць тэлеканаламі - ставіць на паўзу, праглядаць перадачы, якія выйшлі ў эфір раней, знаёміцца з праграмай і многае іншае. Эфірнае тэлебачанне дае магчымасць глядзець тэлеканалы ў лічбавай якасці там, дзе раней гэта было тэхнічна немагчыма. А са SMART ZALA любімыя праграмы даступныя ўсюды, дзе ёсць Інтэрнэт. Лічбавая якасць, шырокі выбар каналаў, наяўнасць тэматычных пакетаў розных жанраў вызначылі поспех ZALA сярод тэлегледачоў.

ЯСНА

ЯСНА - гэта брэнд, у рамках якога абанентам прапанаваны розныя наборы з некалькіх паслуг, неабходных сучаснаму чалавеку для камфорту і паўнавартасных зносін. У рамках брэнда фізічным асобам аказваюцца найбольш запатрабаваныя паслугі на базе сеткі абаненцкага доступу па тэхналогіі GPON (пасіўныя аптычныя сеткі). З выкарыстаннем гэтай тэхналогіі абанентам даступна падключэнне да сеткі інтэрнэт на хуткасці да 500 Мбіт/с, сучасныя паслугі тэлебачання і іншыя сэрвісы, якія патрабуюць высокай прапускной здольнасці.

ЯСНАе ТV

«ЯСНАе ТV» - кругласутачны тэлевізійны канал РУП «Белтэлекам» у фармаце Full HD. У кола інтарэсаў тэлеканала ўваходзіць прасоўванне брэндаў прадпрыемства, знаёмства аўдыторыі з светам телекома, інавацый і сучасных тэхналогій. «ЯСНАе ТV» прапануе кантэнт для ўсёй сям'і - рэйтынгавыя мастацкія фільмы, серыялы, спартыўныя трансляцыі, у тым ліку па кіберспорце. У сетцы вяшчання прадстаўлены і праграмы ўласнай вытворчасці.

Видеоконтроль

«Відэакантроль» ад РУП «Белтэлекам» - зручны спосаб забеспячэння бяспекі і аддаленага кантролю за любымі аб'ектамі, будзь гэта шматкватэрны жылы дом або прамысловае прадпрыемства. У рамках сэрвісу карыстальнік атрымлівае кругласутачны доступ да відэа з камер у рэжыме рэальнага часу або да запісаў з архіва, які захоўваецца на серверах «Белтэлекама» на працягу 30 сутак. Паслуга прапануецца пад ключ - ад стварэння індывідуальнага праекта да поўнай тэхнічнай рэалізацыі і эксплуатацыі.

Evika!

Evika! брэнд сеткі электразарадных станцый, якія працуюць на пераменным току. Evika! - гэта зразумелая кожнаму канцэпцыя - зараджацца проста, зручна і бяспечна. Станцыі будуць размяшчацца ў спальных раёнах, каля офісаў і бізнес-цэнтраў. Пакуль уладальнік працуе ці адпачывае - яго электракар зараджаецца. Брэнд Evika! дапамагае планаваць свой час і павышаць камфорт.

BELTELECOMshop 

BELTELECOMshop - інтэрнэт-крама тавараў у растэрміноўку ад Белтэлекам.

GPON

GPON-тэхналогія з'яўляецца разнавіднасцю FTTH (оптыка да дома) і прадугледжвае давядзенне да кватэры абанента аптычнага валакна. Тым самым выключаюцца ўсе актыўныя прамежкавыя прылады (камутатары, маршрутызатары), што, несумненна, павышае якасць прадастаўлення сэрвісаў, а таксама стварае перадумовы для нарошчвання хуткасці да абанента да 1 Гбіт/с і больш. Пры гэтым абаненту ўсталёўваецца «разумная» прылада ONU, якая мае розныя інтэрфейсы (Ethernet, FXS, WiFi) для прадастаўлення разнастайных тэлекамунікацыйных паслуг - паслуг тэлефоннай сувязі на базе тэхналогіі IMS, інтэрактыўнага і інтэрнэт тэлебачання ZALA, паслуг доступу да сеткі інтэрнэт, ахоўнай сігналізацыі, дамафона, паслугі «Разумны дом».

Адзін з галоўных індыкатараў поспеху і даверу да кампаніі - гэта колькасць абанентаў, якая ўвесь час расце. Мільёны абанентаў давяраюць РУП «Белтэлекам» як пастаўшчыку паслуг сувязі. Па шчыльнасці пранікнення шырокапалоснага доступу ў сетку інтэрнэт на 100 жыхароў Рэспубліка Беларусь выйшла на сярэднееўрапейскія паказчыкі.

Скарыстацца сёння пунктамі доступу Wi-Fi ад «Белтэлекам» можна ў самых наведваемых месцах грамадскага карыстання большасці гарадоў Беларусі. Большая частка самых запатрабаваных хот-спотаў знаходзіцца ў будынках гасцініц, нацыянальным аэрапорце, спартыўных комплексах і санаторыях, на чыгуначных вакзалах, аўтавакзалах, кінатэатрах, гандлёвых і выставачных цэнтрах.

Для зручнасці сваіх кліентаў «Белтэлекам» мае сетку сэрвісных цэнтраў на тэрыторыі ўсёй краіны.

Зараз РУП «Белтэлекам» забяспечвае перадачу па каналах сувязі тэлевізійных і радыёвяшчальных праграм тэлерадыёкампаній, арганізоўвае падачу пазапланавых тэлевізійных перадач, «відэамастоў» і «відэаперагонаў» з месцаў правядзення мерапрыемстваў і іншых падзей, ажыццяўляе эфірную трансляцыю тэлевізійнага і гукавога вяшчання на тэрыторыі рэспублікі.

Вынікі працы ў 2022 годзе

Для калектыву кампаніі «Белтэлекам» год пачаўся з важнай падзеі – аператар атрымаў ліцэнзію на аказанне паслуг сотавай рухомай электрасувязі. Мабільная сувязь стала новым вектарам развіцця, які дасць магчымасць захоўваць інавацыйнасць. Ужо ў снежні прадпрыемства ўпершыню прапанавала пакет паслуг з выкарыстаннем тэхналогіі LTE, дзякуючы чаму абаненты змогуць карыстацца сучаснымі сервісамі там, дзе раней гэта было тэхнічна немагчыма.

У 2022 годзе «Белтэлекам» працягваў мадэрнізацыю тэлекамунікацыйнай інфраструктуры са стварэннем сетак сувязі новага пакалення. Адмысловая ўвага надавалася развіццю надзейнай і даступнай сувязі ў самых падаленых кутках. Падыходам па валаконна-аптычным кабелі забяспечаны ўсе населеныя пункты, у якіх налічваецца больш за 100 хатніх гаспадарак і 75 працэнтаў населеных пунктаў з лікам хатніх гаспадарак ад 50 да 100.

За мінулы год пабудавана 7,3 тыс. км валаконна-аптычных ліній сувязі, створана тэхнічная магчымасць для падключэння 164,4 тыс. абанентаў GPON. Агульная колькасць карыстальнікаў гэтай тэхналогіі перасягнула 2,9 млн. Да рэспубліканскай IMS-платформы на 1 студзеня 2023 года падключана 3,75 млн. абанентаў, што складае 93 працэнты агульнай абаненцкай базы прадпрыемства. Колькасць абанентаў шырокапалоснага доступу – 2,5 млн, тэлебачання ZALA – амаль 2,5 млн.

Паспяхова развіваецца адзін з самых перспектыўных праектаў – «Відэакантроль». Летась колькасць устаноўленых камер дасягнула 100 тысяч. У снежні аператар падключыў 200-тысячнага абанента (хатняя гаспадарка), усяго за год падвоіўшы колькасць карыстальнікаў. Насельніцтва і карпаратыўныя кліенты ацанілі функцыянал паслугі, якая забяспечвае відэаманіторынг жылых дамоў і тэрыторый ці вытворчых аб'ектаў.

Жыхары 12 беларускіх гарадоў карыстаюцца мабільным дадаткам «Мой горад», які акумулюе самыя папулярныя сэрвісы для канкрэтнага рэгіёну. Свае паслугі і бізнес на лічбавай пляцоўцы прадстаўляюць больш за 3 тысячы арганізацый: гэта дзяржаўныя органы, у тым ліку гарадскія адміністрацыі, установы адукацыі і аховы здароўя, аб'екты гандлю, культуры і вольнага часу.

Распрацаваная лічбавая платформа атрымала далейшае развіццё: мабільны дадатак «Мой універсітэт» аблічбаваў асноўныя паслугі і сэрвісы для ВНУ. Пілотны праект рэалізаваны на базе Мінскага дзяржаўнага лінгвістычнага ўніверсітэта.

Актыўна развіваецца напрамак рознічных продажаў. У 2022 годзе значна пашыраны асартымент тавараў, даступных для кліентаў кампаніі ў растэрміноўку. Цяпер на выгадных умовах у сэрвісных цэнтрах і на сайце shop.beltelecom.by можна набыць смартфоны, тэлевізары, робаты-пыласосы, кавамашыны і іншую тэхніку. За год колькасць ахвочых купіць тавары ў «Белтэлекаме» вырасла больш як у два разы.

Тры гады споўнілася тэлеканалу «ЯСНАе ТV», які ўпэўнена ўтрымлівае пазіцыі ў ТОП-10 на платформе ZALA, якая аб'ядноўвае больш за 150 тэлеканалаў.

Яркім завяршэннем года стала прэзентацыя новага перспектыўнага кірунку – сеткі электразарадных станцый пад гандлёвай маркай Evika. Прадстаўляючы новы брэнд у г. Пінску, аператар падкрэсліў, што «Белтэлекам» заўсёды побач, у буйных гарадах і невялікіх населеных пунктах, – з самымі сучаснымі і перадавымі рашэннямі.

З гонарам адзначаем, што работа прадпрыемства атрымала высокую дзяржаўную ацэнку – «Белтэлекам» удастоены Прэміі Урада Рэспублікі Беларусь за дасягненні ў галіне якасці.