«Белтэлекам» і «Белмытсэрвіс» заключылі пагадненне аб супрацоўніцтве ў сферы інфармацыйна-камунікацыйных тэхналогій. 8 снежня дакумент падпісалі генеральны дырэктар РУП «Белтэлекам» Юрый Петручэня і генеральны дырэктар РУП «Белмытсэрвіс» Вадзім Бабарыкін.
Пагадненне накіравана на стварэнне і развіццё сучаснай лічбавай інфраструктуры. Бакі будуць імкнуцца да цыфравізацыі бізнес-працэсаў, рэалізацыі інавацыйных падыходаў у сферы тэлекамунікацыйных паслуг, гандлю і лагістыкі. Аб'яднаўшы інтэлектуальныя і вытворчыя рэсурсы, прадпрыемствы змогуць нарошчваць свой патэнцыял і сумесна ўкараняць эфектыўныя лічбавыя рашэнні. Якасць, тэхналагічнасць, інавацыі - ключавыя каштоўнасці, на якіх будзе заснавана далейшае ўзаемадзеянне.
Юрый Петручэня, генеральны дырэктар РУП «Белтэлекам»:
– «Белтэлекам» мае вялікі вопыт і ўнікальныя кампетэнцыі ў сферы ўкаранення лічбавых тэхналогій. Перакананы, што пагадненне надасць новы імпульс двухбаковаму супрацоўніцтву і стане зыходным пунктам для новых узаемавыгадных праектаў. Мы гатовы аб'яднаць сілы, рэсурсы і веды, каб наша сумесная работа стала яшчэ больш эфектыўнай і паспяховай.
Вадзім Бабарыкін, генеральны дырэктар РУП «Белмытсэрвіс»:
– Укараненне сучасных тэхналогій, рабатызацыя і аўтаматызацыя дазволяць набыць значныя канкурэнтныя перавагі на рынку лагістычных паслуг. Упэўнены, што падпісанае пагадненне дасць магчымасць кансалідаваць намаганні для рэалізацыі эфектыўных лічбавых праектаў з выкарыстаннем вопыту, патэнцыялу і інфраструктуры бакоў.
Знакавым праектам для дзвюх кампаній з'яўляецца стварэнне сістэмы відэакантролю на аб'ектах РУП «Белмытсэрвіс». Узаемадзеянне ў гэтым напрамку будзе пашырацца. У бліжэйшы час плануецца запуск пілотнага праекта па выкарыстанні пераносных відэарэгістратараў у транспартна-лагістычных цэнтрах РУП «Белмытсэрвіс».
Магчымасці паслугі «Відэакантроль» увесь час удасканальваюцца. Сёння кампанія «Белтэлекам» тэсціруе опцыю відэааналітыкі. Новы модуль дазваляе ў рэжыме рэальнага часу аналізаваць дадзеныя з усталяваных у карыстача камер відэаназірання. Гэта можа быць распазнанне асоб, нумарных знакаў, дэтэкцыя руху. Гэты функцыянал асабліва актуальны для аналізу інфармацыі як на складскіх плошчах РУП «Белмытсэрвіс», так і на гандлёвых аб'ектах прадпрыемства.
Сёння «Белтэлекам» прапануе сваім партнёрам дзясяткі сучасных тэлекамунікацыйных рашэнняў. Спецыялісты прадпрыемства гатовы рэалізаваць пад ключ праект любога маштабу з улікам усіх індывідуальных патрэб кліента. У ліку найбольш запатрабаваных паслуг - тэлефанія, доступ у інтэрнэт, відэакантроль, стварэнне і абслугоўванне лакальных сетак, абаронены хостынг, прадастаўленне ў карыстанне сеткі Wi-Fi і інш.
Даведачна: Рэспубліканскае унітарнае прадпрыемства «Белмытсэрвіс» - найбуйнейшы лагістычны аператар Рэспублікі Беларусь са статусам 3PL-правайдэра. Агульная плошча інфраструктуры РУП «Белмытсэрвіс» складае 1 млн м². Штодзённы аб'ём апрацоўваных грузаў – больш за 10 000 тон (больш за 2 000 транспартных сродкаў). Агульная плошча складскіх памяшканняў – больш за 81 тыс. м². Прадпрыемства вядзе актыўную работу па цыфравізацыі транспартна-лагістычнай дзейнасці, развіваючы камунікацыйныя сродкі, серверныя сістэмы, уласныя праграмныя прадукты, ажыццяўляючы пераход да выкарыстання хмарных тэхналогій, укараняючы тэхналогіі маркіроўкі тавараў сродкамі ідэнтыфікацыі.
