14 снежня 2022 года ў пашыраных і базавых пакетах ZALA IPTV, а таксама ў базавым пакеце «Канапа ТБ» SMART ZALA на 102-й і 106-й кнопках пачалося вяшчанне дзіцячых тэлеканалаў «Рыжы» і «ducktv».
У дадатковым тэматычным пакеце «Сямейны HD», пашыраным пакеце «ZALA: усё ўключана HD» і ў базавым пакеце «Канапа ТБ» SMART ZALA з'явіўся тэлеканал «Савецкія мультфільмы».
«Рыжы» – дзіцячы тэлеканал з сурдаперакладам. У эфіры – мультфільмы, анімацыйныя і мастацкія серыялы, пазнавальныя і забаўляльныя праграмы расійскай і замежнай вытворчасці.
«ducktv» – міжнародны тэлеканал з пазнавальнымі і забаўляльнымі праграмамі для самых маленькіх гледачоў ад 0 да 3-х гадоў.
«Савецкія мультфільмы» – кругласутачны дзіцячы тэлеканал мультфільмаў з вясёлай і добрай мультыплікацыяй ранейшых гадоў.
Таксама інфармуем, што з 14 снежня 2022 года ў сувязі з апавяшчэннем ад праваўладальніка аб спыненні вяшчання на тэрыторыі Рэспублікі Беларусь завяршаецца трансляцыя тэлеканалаў «Nick Jr.», «Nickelodeon», «Paramount Channel» і «Paramount Comedy» у пашыраных і базавых пакетах IPTV, а таксама ў базавым пакеце «Канапа ТБ» SMART ZALA.
У дадатковым тэматычным пакеце «Сямейны HD» і ў пашыраным пакеце «ZALA: усё ўключана HD» ZALA IPTV спыняецца вяшчанне тэлеканала «Nickelodeon HD».
